| 3er Encontro Sectorial do Hidróxeno e as Pilas de Combustible. www.pmH2.com |
 |
 |
           
|
Relatorios Aquelas empresas ou institucións que o desexen, teñen a posibilidade de realizar un relatorio oral onde presentar a súa visión estratéxica en hidróxeno e pilas de combustible, detallar os desenvolvementos realizados ou as liñas de actividade abertas, ou describir os produtos e/ou servizos que ofrecen. Os relatorios deben ser institucionais, describindo as actividades, produtos ou servizos xerais, non un desenvolvemento concreto.
Para solicitar un relatorio, hai que enviar un documento en MS Word (extensión .doc) á dirección de correo electrónico info@pmH2.com cunha descrición dos desenvolvementos realizados, as liñas de actividade abertas, e os produtos, servizos ofertados, ou as posibilidades de colaboración (mínimo 250 palabras, máximo 1000 palabras, sen imaxes, esquemas nin táboas, só texto), e en arquivos separados o logotipo da empresa e dúas fotografías (imaxes ou esquemas) representativas. A devandita información aparecerá na "Guía Sectorial do Hidróxeno e as Pilas de Combustible". Só se poderán expoñer os relatorios que fosen admitidos pola organización do Encontro. Data tope para mandar propostas de relatorios: 31 de Outubro de 2007.
Para realizar un relatorio oral, unha vez admitido, hai que inscribirse no encontro con inscrición normal, ou de socio da AeH2, pero non é posible facelo con inscrición de estudante, para un só día ou exclusivamente á exposición comercial.
Recoméndase aos relatores, que participen no Encontro cun patrocinio, xa que a tarifa é moi vantaxosa ao ter o triplo papel de expositor, relator e patrocinador.
Pódense ver as condicións detalladas para o relatorio no manual do participante. |
|
|
|
